超人家族添新成員，連日嚟李家成員同各大傳媒都當咗養和醫院係第二個屋企，小超人李澤鉅噚日又出入咗養和兩轉，重帶咗本雜誌畀太太解悶。
小超人一見到記者就好關心咁問：「你哋係唔係等咗我一晚呀？其實你哋唔使咁呀，呢幾日我啲相都已經過份曝光啦。」再追問佢幫BB改咗名未、幾時會出院？小超人就好有禮貌咁答：「私人嘢我唔講太多啦，不過應該就快會出院。」
到六點左右，又見超人李嘉誠四萬咁口嚟探孫女同新抱。當佢上咗車準備離開時，見到一個相熟嘅養和醫生，就即刻主動落車同個醫生講：「我啱啱添咗個女孫，好得意㗎。」
傳真︰2623-9278
電郵︰