一班朋友出嚟食飯，最煩就係你推我讓，一係你一句我一句，淨係傾點咩菜式都嘥咗半個鐘。喺呢個時候，最好就係叫個套餐，幾多個人嘅份量、有咩菜式、夾埋幾錢都Set好晒，而且感覺上呢啲套餐總係平啲抵啲。賀菊日本料理最近就推出咗兩個新4人套餐，菜式組合專為炎炎夏日而設，而且有齊刺身、壽司拼盤、天婦羅呢啲大熱菜式，最緊要𠵱家重做緊半價，每人夾百幾二百蚊就埋到單，唔使個個望住個餐牌左度右度都唔知叫乜啦。不過供應時間只限於星期六、日及公眾假期的午及晚餐時段。
記者：馬慶武
秘製法國鴨胸片、刺身、壽司、卷物拼盤、麵豉湯、東星斑天婦羅、牛肉薄燒卷、海膽蒸蛋、日式炒雜菌、冷茶麵
菠菜凍食、刺身、壽司、卷物拼盤、半熟牛肉沙律、鹽燒三文魚頭、日式炸豆腐、雞肉腐皮烏冬
地址：香港中環置地廣場地庫一樓
電話：25213344