曾志偉最近在電影《大丈夫》可謂豔福不淺，戲中他與毛舜筠演夫妻外，又有肥媽瑪莉亞做其情婦，前晚穿着內衣短褲的志偉與肥媽更拍了一場接吻戲，場面香豔搞笑。
陳小春、曾志偉、杜汶澤、肥媽瑪莉亞和譚詠麟（阿倫）前晚在海逸酒店拍攝電影《大丈夫》，志偉與杜汶澤都穿上內衣短褲拍攝。肥媽在戲中飾演志偉情婦，前晚兩人更要拍攝一場長達三分鐘的接吻戲，由於志偉與肥媽熟絡，所以他相信拍攝時不會太尷尬，反而會擔心忍不住笑。
前晚阿倫竟然亦出現在拍攝現場，原來他是應好友志偉邀請，客串一角，阿倫笑說：「今日嚟做乜角色我都未知，志偉叫我幫手當然冇問題。我今日亦順便會同志偉傾吓陳鍵鋒跟住嘅發展，對於有報道話佢同胡杏兒拍拖，公司（東魅）基本上唔會反對旗下藝人拍拖，但最好就低調少少。」
陳鍵鋒亦到場探班，他否認與胡杏兒拍拖，他說：「胡杏兒有個鬼佬男友，我同胡杏兒係街坊，所以俾人影到一齊唔出奇，好彩佢男友唔識睇中文，唔係就大件事，而我𠵱家根本都未有拍拖。」
此外，有報道指小春與張栢芝舊情復熾，下個月將一起到台灣，栢芝更準備到時在台灣會合小春，到時栢芝會紋一個心連心寫上G&C的紋身圖案，G是代表栢芝（Gi），C代表小春（Chun）。記者追問小春是否與栢芝復合？他說：「我都唔知佢要紋身喎！我就一定唔會紋，因為我怕痛，不過我唔信佢會紋我個名落去，我同佢根本冇嘢。」
採訪：魯萍
攝影：何國豪
