胡杏兒覺得吹肥皂泡，就好像吹出一個又一個少女夢想。而她的少女夢想是做老師，因為老師在學生心目中是高高在上，充滿威嚴。她兒時經常跟胞姊玩扮演老師和學生的遊戲，但多數被姊姊爭贏當老師。
胡杏兒天賦一張孩子臉，而她亦是個充滿童真的女孩子，日前她穿上背心和短裙玩吹肥皂泡，玩得十分投入。拿着吹肥皂泡玩具的胡杏兒不停揮手，當肥皂泡飄動時，她又以手拍打肥皂泡，還笑說肥皂泡好像少女夢想。
問杏兒自己有甚麼少女夢想？她說：「我記得自己好想做老師，因為覺得老師可以指揮學生，好有威嚴，老師講乜，學生都要聽。細個喺屋企，我都會同兩個家姐玩扮老師同學生遊戲，好多時我都係做學生，成日俾家姐爭贏做老師㗎！」
杏兒將會到美國登台掘金，她表示心情十分興奮。為了應付處女登台，近日已開始練歌，她說：「我好鍾意聽容祖兒同關心妍嘅歌，會揀佢哋啲歌唱，近排得閒就開始練，希望到時可以唱現場，因為覺得咪嘴重難，要夾番個嘴形好考功夫。」
此外，胡杏兒昨日在灣仔拍攝無綫新劇《追魂交易》，對於有指她與新劇《律政新人王》拍檔陳鍵鋒同居，她說：「真係好激氣，我同佢住埋同一棟大廈，佢住樓上，只係同一個門口出入，我都未去過佢屋企。我家姐話啲報道一時又話我同男友住，一時又話我同陳鍵鋒同居，咁我哋即係住邊㗎？」
採訪：比華利
攝影：甄朝健
服裝：MissSixty
