戒紅肉多年　聞到都怕
黃泆潼揀飲擇食保22"纖腰

擁有二十二吋黃蜂腰的黃泆潼原來十分「揀飲擇食」。她又表示讀中四時，已戒吃澱粉質和紅肉，就算現在嗅到牛肉味，也感到很腥！

黃泆潼身材勻稱，日前更穿上性感tubetop拍照，展示其32C、22和34的身材。黃泆潼表示最自豪的是自己二十二吋的纖腰，她說：「我覺得條腰幼都好着數，因為着起衫上嚟會影得瘦啲。」

戒澱粉質食物
問黃泆潼有甚麼keepfit心得，原來竟是揀飲擇食！不過她所指的只是挑選健康食物進食，她說：「我由中四開始就戒食澱粉質食物同紅肉，飲嘢就盡量少甜。我冇食紅肉咁多年，我真係食唔番隻味，試過朋友打邊爐，我聞到啲生牛肉味，我覺得好腥，好難聞。」黃泆潼又表示愛吃東西，但因選擇的都是清淡食物，所以不會致肥。
黃泆潼是StarEast的旗下藝人，近期常傳出該公司會結束經理人部門，她表示一切隨遇而安。
問黃泆潼可有擔心StarEast的經理人部門會結束？她說：「我成日都聽到呢啲消息，但一日唔係經公司嘅人親口證實，我一日都唔會信。」

準備另覓公司
黃泆潼續說：「坦白講我都簽咗StarEast好多年，都經歷過好多人事變動，都見怪不怪。我已經作咗最壞打算，萬一經理人公司執笠，我咪再物色過另一間經理人公司囉！」 採訪：比華利　攝影：林德雄
協力：羅慧敏　服裝：XGame