新任財司唐英年同金管局總裁任志剛組成「唐任配」，縱非魚如得水，都肯定唔會好似「梁任」般勾心鬥角。唐公子政界商貿人脈廣泛，但財金範圍並非所長，呢個缺口正好由任總填補。
噚日新財爺見任總，即強調有信心雙方可成為最佳拍檔，口快快嘅唐公子竟然講錯嘢，「好高興未來係有……可以拍檔（指與任志剛）做生意……係做工作，唔係做生意嘅機會……」金管局旗下又真係有唔少生意。
財經界朋友話，唐英年同任總都算老友，一齊出任馬會董事期間，任總贏馬都請埋唐公子一齊拉頭馬影相；過去兩年司局不和嘅局面，應可改變。
傳真︰2623-9278
電郵︰