向來走年輕CityRV路線嘅豐田Rav4，自新一代型號推出以來，一直成為車迷追捧對象；而日前廠方又特別為其推出Facelifted新版，以求吸引更多車迷注意。
雖然整體上，Facelifted新版看似沒有多大改動，但當細心留意吓，定能察覺到新車頭泵把用上新設計，其中設於兩旁嘅霧燈，更由原來嘅方形改為圓形；而設於車身頭沙板上嘅指揮燈，亦改用時下流行嘅白色設計，就連鬼面罩亦屬新配搭，從而令新車造型看來更有吸引力呢！
車廂方面亦有些許改動，如用上承托力更高嘅座椅、全新中控台布局，以及三幅式跑車軚環等等，務求令車廂布局，亦能予人耳目一新之感。另一方面，新車仍備有兩台分別為1.8公升（馬力125匹），同埋2.0公升（馬力155匹）直4引擎供用家選擇，加上有VVT-i技術，從而亦能做到慳油又好力嘅表現。未知香港代理方面，何時會將之引入呢？