馮寶寶前晚與譚倩紅在亞視清水灣片廠拍攝劇集《萬家燈火》，除了馮寶寶的丈夫翁先生往探班外，七公主之一的陳寶珠也前往探班，陳寶珠說：「寶寶係我妹嚟，我都有睇《萬家燈火》，又唔係特登捧場，好睇嘅電視劇我都有睇嘅，不過我唔會拍劇。」
陳寶珠又謂正籌備開演唱會，且正忙於學唱歌跳舞，問到會否像阿姐汪明荃一樣勁歌熱舞？她說：「我冇阿姐咁叻，啲衫都唔會太性感，我冇本錢呀。」
馮寶寶表示在陳寶珠到達前特地到巴士站等她，誰知陳寶珠認不到穿上戲服的馮寶寶，十分好笑，馮寶寶說：「我老公一路陪住我拍戲，有時又煮早餐我食，重切心形生果畀我，我身在福中知福㗎，拍完套戲會同佢去旅行。」
採訪、攝影：王崇穎