鐘子淇去年參選港姐落敗，現時在無綫擔任主持，但她堅信選港姐冇黑幕，亦不會以不法途徑來換取獎項，現時鐘子淇最渴望一闖樂壇當歌星，但對於樂壇貪污案一事，她感到十分驚奇。
落選港姐鐘子淇的體態及外貌都較去年參選時出眾，外間更將她與本年度參選香港小姐的候選佳麗作比較，認為她在本年度參選港姐必屬三甲人選，但鐘子淇並不後悔在去年參選，反認為過往與一班女仔參選時所得到的友誼尤勝獲獎機會。
近期因為樂壇貪污案，掀起選美亦有黑幕的話題，曾參選的鐘子淇在參選初期亦抱半信半疑心態，亦有人向她忠告要小心，但在整個參選過程中，鐘子淇堅信選港姐冇黑幕，她說：「我參選時完全冇呢啲經驗，亦冇高層飯局，但如果真係用飯局嚟換取獎項會違反咗選港姐意義，因為獎項係要自己爭取，所以我一定唔會咁做。」
鐘子淇現時在無綫客串擔任8頻道主持，能操流利普通話、英語和廣東話的她，對當主持可謂沒甚難度，她說：「我以前喺校內讀戲劇，當然想喺呢方面發展。」
但鐘子淇一直有一個理想，就是渴望能夠加入樂壇當歌星。
鐘子淇自言自小已很喜歡音樂，為了理想，她不惜抽時間去學唱歌，但近期揭發樂壇貪污案，問她可有打消加入樂壇的念頭，鐘子淇說：「我聽到個消息都好驚奇，以前喺香港做歌手要有實力，唔知𠵱家係咪要靠其他嘢，但我相信聽歌嘅人有好多類型，總會有人欣賞自己。」
採訪：卓寶花
攝影：陳偉權
髮型：HairPatrickSo
