星期五皇馬同港隊打表演賽，𠵱家全香港唔理識唔識睇波，都以爭取近距離一睹皇馬球星為榮，不過一直都鍾意踢波嘅立法會議員胡經昌就話佢唔會入場睇。
原來佢細個讀書嗰陣，曾經喺大球場做過「執波仔」，當時細路仔見到可以近距離睇球星，梗係開心，但原來當年唔興喺場邊放定幾個後備波，一打出界就要等「執波仔」執番個波先可以開波。
當年大球場重有田徑跑道，又唔畀佢哋用腳踢入場，一定要用手碌入去，結果佢哋班「執波仔」次次執波都走到身水身汗，手腳慢啲都俾人噓到暈，真係名副其實在噓聲中成長，八方諗若果老董細路時做下「執波仔」，𠵱家怕且唔會怕人噓！
（圖）胡經昌
傳真︰2623-9278
電郵︰