喺窮親戚面前威咗幾十年嘅香港人，終於要面對現實；香港同廣東省達成連串合作協議，廣東省變成香港水泡，前高官鄺其志亦不勝感歎。
KC噚日開咪爆料，話港粵合作搞到今時今日先略有進展，主因係回歸之初政府高層有兩派意見，有一派認為兩地加強合作會影響兩制運作，拉鋸之下香港經濟日差，卒之搞到𠵱家求人合作，KC話：「（廣東）𠵱家畀白眼香港睇，我有少少為董生難過。」KC冇講當日邊個阻頭阻勢，但相信唔少人心知肚明。
講開班廣東老友，中央一聲令下，竟嚟咗百幾友，搞到老董要拉夫湊人數，但禮賓府地方太細，所以只好請班貴賓去港麗酒店開餐。
傳真︰2623-9278
電郵︰