會考放榜，加埋皇馬到港兩樣勁頭對撼之下，漫畫節亦如期舉行兼人頭湧湧，一班漫畫Fans排咗成晚隊，我滿以為漫畫精品最受歡迎，點知場內一個售賣OnlineGame的Counter居然多人到迫爛攤位，更有警察叔叔維持秩序，咁瘋狂究竟係乜東東？
記者：區佩嫦
攝影：陳陶鈞
Sell沙灘排球Game
去漫畫展通常都會睇吓有冇索女，今次的噴血位就喺Xbox攤位，着上三點式的索女Model雖然HardSell個Game，不過就吸引咗唔少人的注目同菲林，聽負責人講，每日的朝早兩位索女都會喺度，各位記住去流流鼻血。（D1攤位）
最多人搶古龍Game
「頭200位買呢套Game先可以有勁武器，咁樣可以升級升得快啲。雖然排咁耐隊，但方便自己升級，我同朋友一共買咗四盒，大約用咗近$2,000！」
擁珍貴原稿
「星期二夜晚六點幾就嚟排隊，覺得今年都唔係好多人，我一入嚟就去買呢個石黑龍首辦公仔，全場限80個，頭50位重有黃玉郎嘅原稿㖭！買完首辦諗住周圍睇睇，大約預$1,000Budget。」
「我本身好鍾意風雲，佢每樣精品我都有買，咕𠱸、層層叠、水晶柱，連水都有買，我買嚟諗住儲㗎！我同4、5個朋友分頭掃貨，每人大約預咗買$5,000嘢啦！」