「超人」家族又添新成員，李嘉誠媳婦王富信為李家誕下八磅幾嘅BB女，連日嚟超人家中成員都陸續出現醫院探BB，噚日朝早八點未夠，新任爸爸李澤鉅已經由保鑣陪同下探太太同BB女，問佢BB女得唔得意，佢就喺車內好開心咁點晒頭。
到八點半，「超人」李嘉誠就抵達醫院，佢心情勁靚，問佢新生孫女似爸爸定媽媽？超人就話：「咁細個，未睇到似邊個，不過就好得意。」到咗放工時間六點幾，「小超人」李澤鉅再次去醫院探望太太，問佢太太𠵱家身體點？佢就笑住咁話：「好好好。」至於會唔會繼續追個仔，小超人就笑而不答。
（圖）超人大清早就去醫院探BB，心情靚絕。
胡婉君攝
傳真︰2623-9278
電郵︰