早前有報道指將於年底出閣的賭王何鴻燊千金何超儀，將可獲二千萬元嫁妝，賭王更已分配好身家給眾子女。昨日賭王出席中藝開幕活動時否認有關報道，並稱最疼錫么女超儀，所以嫁妝費不止二千萬。
賭王何鴻燊的千金何超儀與陳子聰定於年底結婚，日前周刊報道指賭王將送贈超儀二千萬元嫁妝，並作好分身家的準備，昨日賭王往金鐘太古廣場為中藝重新開幕活動擔任特別嘉賓，被傳媒包圍追問此事，賭王氣定神閒否認有關報道。
賭王說：「點止二千萬嫁妝呀？呢啲嘢我有分數。」至於分身家一事，賭王說：「假嘅，使唔使咁快分呀？謠言嚟嘅，未係住，我連自己有幾多身家都唔知呀。」
有傳眾妻子和子女中，四姨太梁安琪是分得最多身家的一人，賭王聞言說：「咁你問返佢（指四姨太）啦，我好公道嘅。」
談到年底出閣的超儀，賭王說：「Josie（超儀）十一月先結婚，重有幾個月，總之嫁妝費唔止二千萬啦，到時先講，佢係么女，我好錫佢，點止二千萬呢？」問他是否二千萬的雙倍？賭王則笑而不答。
另外，昨日擔任大會司儀的羅慧娟佩戴總值二千五百三十八萬元翡翠首飾示人，連賭王何鴻燊亦禁不住讚美她說：「你人又靚，戴咗條翡翠鏈就更靚。」
採訪、攝影：RitaLeung
