近期官場有重大人事變動，尤其是主宰本港經濟命脈嘅財爺換上唐英年，八方當然想知道商賈富豪對此有乜睇法。賭王何鴻燊噚日下午三時到金鐘太古廣場，出席中藝展新姿的儀式。佢同八方講，睇好唐英年，認為佢好本事。
賭王又話，前任財爺梁錦松已經安排好晒，唐英年只要繼續這個方向，「有幾年做」，佢有信心香港嘅財赤可以減低。
講起唐少，佢一上任便忙到七彩，又要出席粵港經濟合作會議，噚日又出嚟宣布機管局上市；雖然同財政司司長辦公室只係一層之隔，但都冇時間換辦公室，𠵱家重坐喺舊位。
據講唐少會按原定計劃，本周赴歐洲休息充電，到時佢嘅同事應該會幫佢搬去新辦公室，咁鬍鬚華就可由美利大廈搬至政府總部辦公。
（圖）賭王認為唐英年好本事，「有幾年做」。
傳真︰2623-9278
電郵︰