近排，香港市民茶餘飯後嘅話題總係離唔開足球，繼英國勁旅利物浦訪港後，昨日又有西班牙嘅皇家馬德里，當中球星如雲，加上萬人迷嘅碧咸坐鎮，就連平日少看足球比賽嘅亞Mark亦為之側目（點解班女Fans會咁瘋狂）。而上周我哋曾率先披露咗德國奧迪汽車，會全年資助旗下車輛，給皇馬球員管接管送，呢個訊息唔止限於西班牙本土，就連近期嘅皇馬亞洲之旅，各地奧迪汽車代理亦見身體力行㗎！至於今勻皇馬訪港56小時，亞Mark探得香港奧迪代理會提供多部A6高級轎車，以供球員出入代步用；早輪，奧迪汽車廣受演藝界追捧，今趟又得多顆國際足球巨星宣傳，相信A6嘅知名度，又會再一次車氣急升呢！唔知代理會安排邊部車接載碧咸，又或者魯爾呢？若然可以的話，亞Mark都想當佢哋嘅柴可夫司機，唔收錢又點話吖！