「哥頓」胡應湘旗下的建築公司合和上市三十一年後，噚日終於有多一個BB，就係從合和分拆出來的「合和公路基建」，安排喺港交所上市，哥頓胡帶埋老婆同細仔胡文新亮相上市儀式。呢間新公司揀咗「七三七」做股票編號，哥頓解釋，七三七係波音飛機公司嘅workhorse，即係好盡力做嘢嘅人，好似佢間公司做公路嘅態度。
今次合和公路分拆上市籌得三十億元，為哥頓競投港珠澳大橋提供彈藥，佢胸有成竹可以爭贏，建立佢個廣深珠三角道路網。雖然中央未為工程立項，但哥頓話已經好快，好過港府早幾年話二○二○年先至有需要起橋；佢話如果香港早啲有咁嘅效率，做事唔係又慢又貴，個經濟就唔使咁麻煩。
傳真︰2623-9278
電郵︰