日本本田車廠於日前，公布咗六月份汽車製造、銷售及出口數據，其中海外生產線嘅產量錄得有顯著升幅，而Fit（即港版Jazz）則仍屬本田最暢銷車款。
先講講汽車製造方面，本田位於日本本土嘅生產線合共產製出98,956部新車，較去年同期下跌15.8%；但設於海外嘅生產線，總產量卻錄得15.1%嘅強勁升幅（達145,163部），當中歐洲及亞洲區產量升幅最為顯著，分別係34.8%及48.3%，表現令人感到滿意。至於銷售成績方面，六月份售出58,215部新車，較去年同期下跌34.6%；而其中Fit仍穩佔本田旗下最暢銷車款寶座，六月售出多達14,413部，第二及第三位則係Life（9,457部）及Mobilio（5,675部）。出口汽車數量亦多達41,459部，升幅為1%。