皇馬駕臨香港，可惜大部份球迷都無緣入場一睹巨星風采，不過一班沙士小孤雛，卻有機會近距離接觸偶像，事關「眾人媽打」民政事務局常任秘書長李麗娟特別安排佢哋喺星期四朝早去大球場睇皇馬操練，除咗小孤雛外，當局重會透過社署安排十八區一班青少年入場，滿足大家睇偶像嘅心願。
媽打話呢次有成萬個青少年有機會睇皇馬操練，而佢噚日打電話通知班小孤雛時，班細路興奮到不得了，但原來佢哋屋企人重高興，因為會有機會一齊睇球星，都算係今個暑假最好嘅節目。
至於上次特別去捧利物浦場嘅老董，據講表演賽當日另有節目，應該唔會捧皇馬場，亦免得再被噓啦！
傳真︰2623-9278
電郵︰