越野路華Freelander一直憑住年輕化造型，以及全天候嘅能耐而備受車迷追捧，但由推出至今已有一段時間，或多或少會予人有看膩之感；有見及此，廠方便決定為其推出Facelifted新版，以求給予車迷有一新耳目之感。
從相片中可以睇到，Facelifted新版越野路華Freelander，外表與現有型號相近，但一組頭燈就採用類似頂級RangeRover型號嘅款式，而車頭泵把及鬼面罩亦屬新設計，看來倍覺吸引突出；就連一組原設於尾泵上嘅尾燈，其位置亦有所提升，從而為尾隨車輛提供有更清晰明確嘅提示，令行車倍見安全呢！至於車廂方面，Facelifted新版Freelander亦有多項改動，如座椅、表板布局與及設備配搭等等，從而希望能為乘客提供更佳嘅乘車環境。
機械配搭則沿用現有設計，如1.8公升及2.5公升V6型號，附以5前速手波或5前速自動波，匹配一套出色嘅四驅系統，性能表現可謂毋庸置疑；與此同時，於歐洲地區發售嘅新版FreelanderSport型號，更會配用18吋合金胎軨及跑車避震配搭，以求有更佳操控表現呢！