呢次新一輪政府高層調動，最令人矚目嘅始終係保安系統嘅官員，佢哋清一色係前保安局局長葉劉淑儀嘅舊部。八方於是四出查探，點會咁蹺？
答案只有一個，就係新人事全部係葉劉嘅傑作。
如果大家唔善忘，都應該記得葉太走得幾高姿態，甚至最後一日，上京同賈春旺佢哋講再見，可能順便同兩隻馬打通天地線。
老董同京官既然都肯定葉太功勞，一定會問佢邊個接班好，以葉劉嘅性格，佢阿姐當然唔會推讓，咪順水推舟，將李少光同黃鴻超推上位。
官場中人嘅分析同八方不謀而合，就係佢阿姐已經做好回朝嘅部署；幾年之後，點知發生乜嘢事？
傳真︰2623-9278
電郵︰