姚明噚日shopping，好豪爽咁買咗兩個耳筒，不過畀錢個陣就細細聲問售貨員等如幾多錢美金，其實港幣同人民幣差不多一算，咁易計都唔知，睇嚟喺美國一年嘅姚明已經使慣咗美金，對人民幣同港幣冇乜概念。
噚日大會安排三分球同運球大比拼，中國隊先派出小前鋒朱芳雨同本港年輕球員鬥射三分球，點知朱芳雨輕率得滯，以三比四輸畀港青成員李劍煌，行返到中國隊陣營時，更被隊友笑到面黃；好彩佢隊友劉煒生性，喺運球大比拼贏番，咁至攞番啲面咋。
滙豐贊助得今次籃球挑戰賽，當然有咁盡用咁盡去宣傳間銀行，於是趁噚日請他們到滙豐總行樓上食飯前，就叫兩隊在樓下大獅子影張合照，兩隊準時出現，可惜連一個球迷也沒有，只有數個記者充撐，白請了一班保安。