真係世事無絕對，近年新車銷量節節上升，現任寶馬GeneralSalesManager嘅DouglasChan，可謂功不可沒；惟早前亞Mark響市場上聞得Douglas遲吓會過檔英之傑嘅消息，以接替莫Sir（WilsonMok）因退休後一直懸空嘅MD職位，出掌萬事得、積架及標緻嘅銷售工作。然而，適逢Douglas放假外遊關係，直至今個星期一返工，Douglas才正式向公司同事宣布，無不替佢開心；之不過，Douglas快者都要年底才會轉任新職，皆因響嚟緊嘅8月22日，寶馬代理會響灣仔會展，替新5系搞個大型車展，據知打頭陣嘅530iA，未正式公開發售，至今經已接到過百部定單，都可謂先聲奪人喇！而咁大型嘅Event，又點可以少咗Douglas嗰份呢！至於未見過新5系真身嘅車迷，就記緊屆時去睇吓喇！