葉蘊儀與胞妹從小樣子長得很洋化，加上其母很喜歡把她們扮成Twins，與俄羅斯女子組合Tatu十分相像。葉蘊儀十五歲時，跟元彪合作拍電影《孔雀王子》，扮演雙眼噴火的魔女，至今她仍十分難忘當年在片中戴上銀色假眼的情景。
葉蘊儀（Gloria）與年紀相差四年的妹妹，從小已長得標致可愛，兩人樣子鬼鬼哋，但卻是百分百的中國人。Gloria的母親更喜歡把兩女兒扮到靚靚，她說：「嗰時屋企唔係話好有錢，但係媽咪好捨得幫我哋做衫，又特登睇書喺英國訂衫返嚟，搞到我哋兩個好似Twins一樣。」其實她們與俄羅斯組合Tatu十分相像。
不過，Gloria與胞妹小時候偶爾也會吵吵鬧鬧，她說：「我哋性格好唔同，以前成日嗌交，我係好倔強嘅人，阿爸阿媽話要打，我就攤開手板叫佢哋打啦，細妹就未打先喊，所以阿爸阿媽好少打佢。」
天生一副明星相的Gloria在十二歲那年，與母親在銅鑼灣逛街，被星探發掘拍廣告，從此踏上星途。接着三年內Gloria拍了十多個廣告，直至十五歲，她獲邀請拍攝處女電影《孔雀王子》，首次踏足影壇，便孭飛擔正女角。
日前Gloria說：「我細個好有表演慾，但係拍第一部電影梗係會緊張，記得我係做個魔女嘅角色，要吊威吔，又要拍爆炸，但係呢啲我又唔怕喎，我好有冒險精神。
「嗰個角色重講我對眼識噴火，所以次次拍噴火鏡頭嘅時候，我都要戴一對銀色嘅假眼。嗰對假眼好硬㗎，戴咗之後睇唔到嘢，所以電影公司搵咗個醫生駐場。」
採訪：朱芷瑩
