財經事務及庫務局局長馬時亨早兩日率團訪問廣東，噚日上午喺廣州出席港交所嘅上市研討會後，下晝即刻去咗東莞參觀恒指成份股公司裕元集團旗下嘅波鞋廠。出發前八方與馬局長閒聊，問佢廠方會唔會送對刻有佢大名嘅波鞋畀佢？馬局長話呢啲係英國做法，斷估台資嘅裕元唔會送呢樣嘢做禮物。八方諗起寶Baby就係因為咁俾人點相，馬局長梗係唔會再上當。
呢間工廠主要幫一啲名牌子生產波鞋，例如Nike、adidas、Reebok，平時甚少對外人開放，以免被人抄款同盜版。聽講有啲財經界人士去過參觀，廠方講明唔准影相，試過有人因此被拆菲林，所以今次馬局長可以入去參觀，真係幾榮幸。
傳真︰2623-9278
電郵︰