啱啱告別水着行列嘅吉岡美穗，發展真係唔錯，早兩日俾日本電視台委任做馬拉松式二十四小時慈善節目《24小時電視》嘅主持，難怪佢前日鬼咁興奮咁出現喺記者會。第一次做呢個節目就可以做主持，人哋梗係懷疑佢可唔可以撐足二十四小時，佢就恃住自己後生咁話：「二十四個鐘雖然長，但我對自己嘅體力好有信心，冇問題嘅！」