比亞迪（1211）雖然久唔久就傳出負面消息，但照樣係長升長有，噚日再升4.17%，收20元。真係估唔到，比亞迪咁容易就衝過20元大關，真係非常厲害。
經紀黃話，就算創辦人按股一樣冇影響，可能股價亦因此而唔跌得。但要追捧電池股，應留意光宇國際（1043）。
小初都估到講起電池股，經紀黃一定品題光宇國際。上個月初，佢話有個芬佬睇起隻股，結果光宇真係勁升，噚日再升4.13%，收3.15元，又創新高。
經紀黃話，基金並冇要求公司批股，反而在市場密密收集，有個芬佬買吓買吓，原來已經揸咗8%咁多，唔怪得光宇近排升得咁勁。
小初有啲唔明，乜做電池真係咁好景？連帶同樣做電池嘅老牌工業股金山工業（040），噚日亦大升8.8%，收2.10元，但成交就冇比亞迪同光宇咁大，唔夠600萬元。
經紀黃話，3隻電池股中，若以PE計，仍然係光宇最平，所以唔排除股價重有得升。
慕容小初