名模歐陽妙芝、Rosemary、陳嘉容、楊崢及關禮傑等，前晚往銅鑼灣領取由Sense美容護理中心頒發的「健康美肌大獎」。
談到西班牙勁旅皇家馬德里訪港作賽，各名模原來不約而同鍾情碧咸，買到門票的歐陽妙芝說：「我已經買咗件皇馬波衫，嗰日係我同男友拍拖半年紀念，我哋睇完波一齊去慶祝，𠵱家我重託朋友睇吓可唔可以攞到練波嘅飛，我一滴都唔想錯過呀。」
提到皇馬對中國龍之隊的比賽，碧咸被大批球迷強擁兼摸面，歐陽妙芝說：「我覺得內地球迷好失禮，始終內地文化係差啲，我諗日本一定唔會發生呢個情形，因為日本人自律性好強。」
而Rosemary一直有找朋友為她撲飛，但沒有消息，故她當天接了工作，怎料其後她的朋友又謂門票有望到手，令她大感失望。
採訪：林妙萍
攝影：林德雄