許志安與蘇永康下月會在紅館舉行三場「香港安康演唱會」，安仔與康仔一向老友鬼鬼，但昨日他們一同接受記者訪問時，氣氛卻十分奇怪，不知是否因康仔最近離婚而成為焦點，安仔顯得一副不是味兒的態度，不斷揶揄康仔。
許志安與蘇永康昨日在尖沙嘴出席演唱會記者會，一開始康仔表示補妝後才接受記者訪問，但安仔卻說：「夠靚啦！本身靚就唔使化妝啦。」康仔聞言即笑說：「嘩！你呢句說話有骨喎！」其間化妝師想伸手上前幫安仔補妝，卻被安仔推開。
主辦今次演唱會的張耀榮表示，不擔心康仔近期的新聞會影響表現，而安仔則搶着說：「我哋都唔擔心，都過晒啦，你哋睇佢今日都冇事呀，我知有傳聞話我哋攞新聞做宣傳，但係我哋今日提都冇提，就算今日有咁多記者嚟都幫唔到票房，啲人對演唱會有興趣就會嚟睇。」
提到演唱會的服裝時，安仔說：「可以正經得嚟唔正經。」康仔即笑說：「我真係唔係好明，乜嘢係正經得嚟唔正經？」安仔對此顯得不太高興，隨即自行向記者解釋，其後康仔表示Gucci應該會贊助他的服裝，安仔即揶揄他說：「即係你幫襯過百幾萬之後，人哋支持番你嗰隻呀？」康仔只好說：「你唔好亂講呀，人哋會亂諗㗎。」
張耀榮昨日取笑安仔與鄭秀文復合，對此安仔竟說：「佢講嘢不嬲都儍儍哋！」記者問康仔是否有抑鬱症，康仔說：「你睇我最近都瘦咗，其實我諗大部份嘅香港人都會有。」安仔在旁即說：「我冇喎，我覺得佢有屈人症就真。」康仔於是還擊，他說：「你有正常生活嘛！又滑水又乜！」問到康仔有沒有睇醫生，安仔又搶着說：「我咪佢醫生囉。」康仔回應說：「咁你帶我滑水囉，其實我有啲朋友對心理學都有研究，但我未至於要去醫務所。」
據悉安仔與各人開會談及演唱會時，曾要求唱壓軸，未知他是否怕被康仔搶鏡才有此建議。
採訪：胡比
攝影：陳偉權
