梁詠琪（GiGi）昨日往金鐘出席「視康全球首創每日即棄散光隱形眼鏡」記者會，擔任代言人的她可獲七位數字酬勞。
GiGi賣花讚花香說：「我自己有成六百幾度近視，所以不嬲都用開每日即棄隱形眼鏡，但係因為嗰啲眼鏡冇散光，所以試過喺外國認錯門口敲錯門，又試過夜晚揸車睇唔清路牌，都幾麻煩。」
此外，GiGi回想第一次開個人演唱會時，曾發生過一件關於隱形眼鏡的瘀事，她說：「嗰次係第二場，因為我落台趕住換衫，結果俾塊布刮甩咗其中一隻隱形眼鏡，雖然有後備，但得兩分鐘趕唔切戴，結果得一隻眼有眼鏡就上台唱歌跳舞，搞到我幾驚踩到機關，而嗰part霆鋒上台俾驚喜我，我要睇好耐同聽聲至知佢上咗台。」
採訪：馮美茵
攝影：何國豪