所謂好又一餐，唔好又一餐，百幾蚊一碗魚翅撈飯同十幾蚊的碟頭飯同樣飽肚，豐儉由人，在乎你點揀。同樣，名牌總令人心嚮神往，若然負擔得起，哪個不想多買，貴當然有它貴的道理。正如一副二千蚊的名牌太陽鏡，肯定叫好叫座，但若然款式近似但價錢只不過是$128的平民版，同樣入型入格，你又會點揀？
記者：招佩珊 攝影：陳陶鈞
Model：Jimigo（Jamcast）
今年最In的依然係貼面風鏡，Chanel、ChristianDior、Gucci、Prada等凡屬有太陽鏡系列的名牌，均以大塊鏡片、流線型曲線、金屬鏡框設計的風鏡成為今年主打，再加上有一眾明星力撐，由阿姐級的梅艷芳、王菲、鄭秀文，到青春派的張栢芝、Twins等女星們個個都戴，難怪成為必掃Item。名牌往往是模仿的目標，而ChristianDior及Gucci更是被模仿的熱門品牌。與近二千元一副的「正印」相比，原來只需$128亦有星級水準，若然只求霎時間的星味型格，問你點揀？
Burberry簽名式花樣為格仔圖案，但其實要格仔花鏡框，又何需千千聲？而這個紅色的變奏版連正牌都無出過，確實夠出位。
每次見到張栢芝戴太陽鏡，總是最Hit的大鏡款，ChristianDior、Chanel及Gucci等名牌亦有戴過，而近期則愛復古並鍾情懷舊的烏蠅鏡，揀副紅框加紅色漸變鏡片，是型格以外的Cutie演繹。$128（a）
一提法國眼鏡設計名師AlainMikli，必然想到其顏色繽紛的膠架，當中亦有長方、橢圓、方中帶圓等外形變化，再加上每款都有至少六、七種不同的色彩組合，款式選擇多以百計。以二、三百的大眾化價錢，就有副幾可亂真的大師級作品。是退而求其次也好，還是顧住個荷包最實際。
售賣點：
（a）A-LOOK（23666580）
地址：尖沙嘴加連威老道35號地舖
（b）OpticalOutlet（23720800）
地址：觀塘開源道75號業發工業大廈二期六樓G-H1號舖
（備註：以上價錢已包括有度數不反光纖維鏡片一對，太陽鏡除外。）