黃伊汶日前拍攝新歌MV《ShowMeLove》時，表示新歌是改編自俄羅斯二人女子組合Tatu的歌曲。黃伊汶在MV中跟兩位男舞蹈員大跳辣身舞，問她是否跳辣身舞跳上癮？她說：「排舞師搵咗兩個男dancers同我一齊跳貼身舞，重話要跳到三位一體，跳完之後，先知道隻舞要用好多體力，搞到我又瘦咗五磅。」
黃伊汶還覺得拍這個ＭＶ愧對了一個人，她說：「我真係覺得好對唔住一個人，因為呢個MV由夜晚七點拍到第二朝四點，搞到個化妝師返屋企沖涼時，唔知係咪因為太攰，唔小心喺沖涼房跣親，跌斷咗條腰骨，𠵱家重喺醫院。
「最衰我冇時間探佢，所以我諗住等佢出院之後請佢食飯補數。」