日本HipHop組合RIPSLYME，早排連續兩屆成為MVJAward大贏家，可謂威震樂壇。上年夏天佢哋推出大碟《TOKYOCLASSIC》嗰陣，打低SMAP嘅大碟，成為Oricon冠軍，個個議論紛紛。今年RIPSLYME嘅新碟《TIMETOGO》反應都唔錯，推出第一個星期即順利登上Oricon冠軍。
早排RIPSLYME非常勤力，一口氣花咗二十三個鐘頭，拍攝新歌《JOINT》MV。雖然首歌講關於做愛嘅事，但MV內容就好健康。RIPSLYME晨早七點就出動，去錄影廠作好準備，到九點鐘就正式開始拍攝一場健身戲。每個成員都要喺健身器上獨自拍攝片段，然後由工作人員再將佢哋拼埋一齊。
到下晝四點，RIPSLYME去到另一個錄影廠，入面布置到好似真嘅壽司店一樣。成員DJFUMIYA要扮演一位壽司師傅，重好搞鬼咁用唱盤轉壽司出嚟畀班成員歎。FUMIYA埋位之前，接受在場真正壽司師傅特訓，整起壽司時嘅姿態好到師傅都不停咁讚佢。
RIPSLYME前日重喺茨城國營Hitachi海濱公園擔任戶外音樂節《ROCKINJAPANFES2003》壓軸嘉賓，又例牌唔記得歌詞。