車迷期待已久嘅愛快147GTA，首部新車終於響上星期五正式跟本地車迷見面，呢部新一代高性能房跑車，較原定到港時間足足遲咗成半年，惟佢哋嘅老總LeoWong都無何奈何；皆因意大利廠方交貨期唔準，只有苦咗班準買家同代理喇！至於早前率先抵港嘅156GTA型號，吸引到唔少追求速度嘅鍾情Fans追捧，然而，首批新車僅有手波版，對只有自動波牌嘅Fans嚟講，只好變得望車興歎好喇！之不過，最近亞Mark向Leo打探到消息，話部156GTA嘅6前速Selespeed型號，有望響今個月底或9月初抵埗，車價不過較現時手波版畀多2萬蚊。以41萬上落嘅價錢，就可以擁有一部咁高性能嘅156GTASelespeed型號；有興趣嘅車迷，就不妨耐心多等一會喇！