陳奕迅（Eason）和Twins等前晚在灣仔演出「網上行叱咤樂壇POP-UP音樂會」。Eason前晚獲台灣金曲獎的「最佳流行音樂演唱專輯」和「最佳國語男演唱人」，他接受訪問時拉低長褲，露出孖煙囪，十分搞笑。
Eason暢談感受時，起初他說：「不如我去英國除褲啦，你哋去埋影。我會同同事食飯，不過有排請呀。」被問到是否聽者有份時，Eason突黑面說：「唔係，你哋都唔戥我高興嘅，只識迫我攞料。我𠵱家唔開心呀，我想走先。」然後他站起來說：「我唔識同你哋溝通，𠵱家我塊面出晒煙。」Eason經理人霍紋希即為其打圓場。
而鍾欣桐（阿嬌）前晚以爆炸頭新look亮相，阿嬌和蔡卓妍（阿Sa）穿短裙在台上表演時，露出一雙甲組腳。及後二人在後台受訪時，陳冠希也步入，他見有記者拍照即瞄阿嬌一眼。而阿嬌對於陳冠希讚其演技有進步，她昨在灣仔出席活動時儍笑地說：「係咩？我只係覺得自己好低能，可能佢讚我扮低能扮得好啦。」
採訪：駱華齡 攝影：陳慧安
