因嚴重燙傷，年前來港求醫的十歲女童陳珊，近日病情轉差，不少傷口出現潰爛流膿的情況，急需再次進行手術治理。奈何珊珊家境清貧，無力負擔是次約五、六萬元的手術費用，急待善長伸出同情之手。
「珊珊個屁股同手臂啲傷口都爛得好犀利，不停咁流膿水，呢個情況都維持咗兩、三個月，佢真係好辛苦，我做媽媽嘅，睇見都好心痛。」近日從內地再度來港的陳媽媽紅着淚眼向記者述說女兒的苦況。
為了解珊珊的最新病情，記者日前便帶同她前往醫院向整形外科金醫生求診，金醫生指珊珊疤痕增生的情況相當迅速及嚴重，在醫學上稱之為瘢痕（Keloid），相信是因為她本身的細胞基因出現問題，以致皮膚產生過敏反應，而且因為分泌物及油脂比較多，容易造成細菌感染而發炎含膿。
「其實好似珊珊呢類病人，如果係成年人嘅話，好多時我哋都會幫佢打激素針，甚至配合放射電療去醫治，但因為珊珊太細個，呢啲方法唔係太適合，所以現階段我哋會建議佢先做手術，清除發炎含膿嘅地方，同時割除一部份厚疤痕，直至佢年紀大少少先再考慮用其他方法。」金醫生解釋。
即將展開新一輪療程，珊珊免不了有點擔心，但堅強的她還是選擇勇敢面對。
「其實我都好驚做手術，好驚打針，但因為我想快啲好番，唔再俾同學笑我係『殘廢人』，所以我聽醫生講，乖乖地做手術。」珊珊一臉認真地說。
十歲的陳珊，原籍廣東河源市和平縣林寨鎮，三歲時不慎在家被滾水嚴重燙傷，由於家貧，出身農戶的她一直得不到適當的護理，以致右腿、臀部及左手肘經常潰爛含膿，又痕又痛，並長滿厚厚的疤痕，更出現嚴重疤痕增生的情況，令小妮子飽受痛楚。
為求擺脫身心折磨，前年底，珊珊隨母從內地來港求醫，並在熱心善長捐助下，先後接受過兩次手術，十次激光及職業治療，情況一度改善，返回內地療養；可惜目前病情有變，需要再次接受手術。
由於珊珊並非香港居民，未能享用本港醫療福利，是次手術費約需五至六萬元，有待善長慷慨解囊。
捐款編號：C0246
暖流熱線
電話：29908688
傳真：23702192
電郵：
網址：