由中大關信基教授負責嘅社會凝聚力小組上月底正式摺埋，成員之一蔡子強話畀八方聽，佢已經正式收到中央政策組首席顧問劉兆佳嘅多謝信，話希望日後有機會再合作。
佳叔真係風趣，蔡子強成日凝聚上街力量，以後點會有得傾吖，除非老董7.1後轉性啦！
八方問關教授以後點玩？教授話一切要睇佳叔，佢自己係中策組嘅Part-time成員，所以冇收到多謝信。至於董特首，關信基相信佢老人家正在努力學習緊，以佢咁傳統嘅人，係需要啲時間嘅，想迫都冇得迫。
關教授一早已經料到老董同民主派嘅會晤唔會有大突破，但係佢認為最緊要係後會有期，一步一步嚟。佢本人就對於阿董一啲關於民主進程嘅承諾都冇話覺得好失望，因為阿董起碼都答應加快步伐，提早諮詢，回應吓市民上街嘅訴求。
唉，八方就覺得如果佢會咁醒，就唔係老董啦。
（圖）中策組解散，關信基話冇收到佳叔嘅多謝信。
傳真︰2623-9278
電郵︰