唐英年今次可謂一雷天下響，前途一片光明，而佢阿媽唐尤淑圻女士，更加係非等閒之輩。
話說好多年前，八方喺北京採訪人大政協兩會，突然見到唐英年阿爸唐翔千出現喺酒店大堂，於是以為執到獨家訪問，一個箭步跑上前同唐老先生問好，然後睇吓佢有乜高見，點知唔答猶自可，一答八方就知弊傢伙。
原來老先生嘅無錫鄉音未改，八方一句都聽不懂，正喺度唔知點收科之際，唐太施施然出現，問八方有乜緊要問題，可由佢繙譯，八方梗係唔好意思，於是自動退下，無功而還。
嗰次令八方對唐媽媽另眼相看，今次佢個仔上位，唐媽媽又喺適當時候出嚟爆料，真高人也。
睇啲報道講，唐媽媽係上海交通大學財經系畢業，唐公子有個咁叻嘅阿媽重使乜驚。
（圖）唐翔千鄉音太重，不時要妻子唐尤淑圻做繙譯。
傳真︰2623-9278
電郵︰