屬於年輕人的暑期，有屬於年輕人的節目。乘着近年X籿AME成為激興活動之勢，全港首個Action胠極限運動博覽正式開鑼，主菜單線滾軸溜冰及滑板固然少不了，同場重有踩鋼線、吊威吔等超激玩意，𠵱家就等兩個二十出頭的年輕人，用汗水和淚水測試五大必玩項目。
記者：尹珊珊
攝影：梁細權
Model：Dennis、Joyce（SunSpot）
刺激度：★★★★★
難度：★★★★
遊戲券：2張
「都唔算高啫，又有人睇住，話咁快就行完啦！」都說後生仔勇字當頭，Dennis同Joyce行勻全場，揀了鋼線驚魂做第一個測試的遊戲，重下巴輕輕講到眉飛色舞，雖然睇落真係同馬戲團的踩鋼線無得比，但要在高達3米的鋼線上行走，考平衡力之餘，少一點膽識都不可以，究竟有幾恐怖？睇吓佢哋啲反應就知道。
刺激度：★★★★
難度：★★
遊戲券：1張
話明「飛」一般體驗，斷估都唔係普通玩意，接住要測試的遊戲，由成家班的成員負責協力，玩法好似電影裏頭的武林高手咁，吊住威吔橫跨10米長、4米高的高台，據講今趟是首次開放給公眾試玩吊威吔，同場成家班的成員更表演一招凌空360度翻觔斗，睇到Dennis同Joyce目瞪口呆。
玩家評語
Joyce：「吊威吔無踩鋼線咁驚，不過雙腳凌空吊起的感覺都好刺激。」
Dennis：「第一次吊威吔，感覺真係幾High，如果時間可以長一點就更好。」
刺激度：★★★
難度：★★★★
遊戲券：1張
大型充氣攀石場似足小朋友玩的跳彈床，一邊是氣墊大形滑梯，一邊設有繩索攀登，睇落雖然好輕易，但要攀到最高點就有一定難度，尤其着住對襪跣跣吓，爬兩爬就會跣番落地。工作人員教路攀爬時要借助氣墊的彈力，終於當兩人到達頂峯時，Dennis二話不說由滑梯滑下，安全着陸，可憐是辛辛苦苦上到頂的Joyce，由於過份緊張，滑滑吓梯時仍緊握繩子，再加上滑梯斜度較直，結果左腳屈曲直插落地，最終搞到拗柴，淚灑當場。
刺激度：★★
難度：★★★
遊戲券：1張
由於Joyce在第三輪遊戲中慘遭掛彩，接下來的大型繩網由Dennis獨力測試，只見Dennis在繩網努力向上爬，不時表演奇洛李維斯在《Matrix2》的一招向後90度拗腰，最後在10分鐘的限定時間內，仍未能攀上頂點。另一邊廂，好似泰山咁款的攝影師哥哥，嘭嘭聲已經成功抵達最高峯，重大方公開成功心得：「玩繩網不單止用手力，重要考埋腳力和腰力，當腰身向後拗時，要盡量用腳力同腰力將身體貼回繩網那邊，否則會好易向後翻。」收到未？
玩家評語
Dennis：「難度比想像中高，特別是幾個人同時攀爬時，繩網會特別搖，容易令人失去重心。」
刺激度：★★★★
難度：★★★
遊戲券：2張
唔單止小布殊愛打仗，很多精壯男仔平日都鍾意call齊Friends，走到荒山野嶺打野戰。符合亞洲標準設計的特種模擬射擊場，每次可容納12名玩家，負責單位並有長度、重量與真槍無異的M4CommandoRam槍械、軍服、彩彈及面罩等基本裝備，就算兩手空空都可以隨時落場，而且重有冷氣歎，爽！
Action胠極限運動博覽
日期：8月9-10及16-17日
地址：九龍灣國際展貿中心
開放時間：上午11時至晚上8時
收費：入場費每位$20，遊戲券每張$20，另有$50之套票提供（包括入場費及三張共值$60之遊戲券）。
交通：九龍灣德福廣場二期地下有免費專車往返