立法會議員余若薇7.1之後真係人氣急升，加上佢冇架子，見報率真係一時無兩。
呢位市民心中嘅民主女神最近代鄭經翰主持商台《風波裡的茶杯》，前晚又去咗港台做李鵬飛同曾智華主持嘅《笑眼看世界》節目嘉賓。八方問佢上港台唔怕有衝突咩？余若薇話自己只係去港台做嘉賓，所以冇問題，佢重話老公問佢係咪幫電台做義工，點解朝早去咗，夜晚又要去喎。
前晚嘅話題係異地難忘事，余若薇以前喺英國讀書，李鵬飛問佢有冇豔遇，余若薇話自己高過晒啲中國男仔，所以冇人吼，反而試過有黑人問佢攞電話。
而余若薇嘅初戀情人就係老公胡健維醫生，拍一次拖就開花結果，估唔到原來佢咁純情。
傳真︰2623-9278
電郵︰