有對寶貝仔嘅社署署長林鄭月娥，噚日喺佢社署網頁上大談有仔萬事足嘅道理，佢講開香港生育率下跌，搞到幼兒園都要執笠嘅社會現象，佢話見親啲結咗婚嘅同事，都叫佢哋快啲生仔，享受一下小生命帶嚟嘅喜悅。
唔好以為女強人林太以事業為重，原來佢認為，做咗母親之後，人生先至變得完整，佢重話做父母嘅滿足感，係任何事業成就同物質富裕都冇辦法代替嘅，好似佢兩個仔咁，由不懂事嘅小寶寶到𠵱家變成林太嘅傾訴對象，簡直係佢嘅快樂泉源咁話。睇嚟如果香港要搵鼓勵市民生育嘅代言人，林太真係好適合嘅人選。
八方都好欣賞林太咁苦口婆心，但係佢老細將香港搞成咁，邊個重敢生仔啫。
（圖）林鄭月娥覺得做父母好有滿足感。
傳真︰2623-9278
電郵︰