書展結束，八方日前講過一本關於李澤楷「小小超」嘅新書《神話背後》面世，據講反應理想，十分暢銷，出版商明窗出版社要加印第二版，噚日最後一天，都見到唔少年輕人買呢本書睇。
有現場消息話，一位女士日前傍晚走到明窗櫃位，一開口就話要晒呢本書，一本不留。究竟佢係乜嘢人？大家莫衷一是，莫非係李生背後嘅女人？
不過，八方想講清楚，上次寫呢本書內容稱小小超心傷亡母，大罵身邊人，只係原文照錄。
其實，該書亦談到父子情，講小小超很愛其父親李嘉誠，更有一段講誠哥親送十三歲兒子去美國留學寄宿，感觸良多。據小小超身邊友人同八方講，小小超不想評論書中內容。
（圖）小小超嘅新書好暢銷，唔少年輕人都買番本。
傳真︰2623-9278
電郵︰