五窮六絕七翻身呢句Game界定律果然冇錯，入咗七月就特別多注目嘢出，其中以《首都高ZERO》同《F-ZEROGX》最賣得，其次就係GBA嘅《SHININGSOUL2》，而《鬼武者TACTICS》就麻麻，坐貨減價有望！WSC《聖鬥士星矢》亦有部試玩機，不過質素奇差，千祈唔好買。另外今個禮拜一定要講嘅係二十四號見街嘅街機《SNKVS.CAPCOM》。有大把隱藏人，通晒天嘅都有一打，應該係好襟玩，衰就衰在個平衡差到貼地，啲㗎仔打完個個唔係搖頭就歎氣，今次啲㗎仔就一致話SNK嘅人普遍都勁過CAPCOM嗰邊好多，尤其係八神同香澄最離譜，如果大家第一次玩不妨揀佢哋嚟屈電腦（或者對手）。
作者介紹 曾任職香港遊戲雜誌編輯，現於日本讀書及工作。
文：貓仔Ryo