新一代寶馬5系自推出以來，備受車迷追捧，但廠方一直未有提及會否為其推出走高性能路線嘅M5型號；不過最近外國方面有消息傳出，指新M5有望於明年下半年面世，並會以平治E55AMG及奧迪RS6為敵。
該消息指出，新車大致上造型與現有普通版本相近，但就加裝有全車包圍，當中包括車頭及車尾整流器、車身兩側裙腳、四輪巨型19吋跑車合金胎軨，同埋雙排四出式尾喉等等，望落去一份高性能跑車韻味油然而生；車廂布局亦來得甚具跑味，當中不乏有讓你坐得舒適貼服嘅跑車座椅、齊全易用嘅車廂設備等等，但一切仍有待廠方公布有關資料後，方可作實。至於引擎配搭方面，該消息又指新車會起用一台全新5.5公升V10偈作動力核心，馬力及扭力輸出分別高達500匹及62.2kgm，匹配一套6前速手波或6前速半自動波，性能表現絕對毋庸置疑。