六十年代新界有種芝麻雞，愛吃芝麻，使得雞肉特別香口。打鼓嶺豬農譚強當年養雞也試過炒香芝麻餵給雞吃，他已經沒有養雞，但他忽然想起這條古法，橋唔怕舊，於是也想出用天然香料餵豬，培養出肉味香口的香味豬。
這是譚強繼去年初發明天然飼料培育健味豬後，又一傑作。一如健味豬，香味豬用天然飼料餵養，並在基本飼料上加添天然香料，包括俗稱水仙花或豬乸菜的水浮蓮，以及由福建引入龍尾草等，比人吃的東西還要講究，「呢步係第一步，以後重可能用荔枝、人參來餵豬，改變肉味。」
譚強多次強調他的豬隻健康有益，為怕記者不信，還找來公證行香港標準及檢定中心化驗，結果健味豬瘦肉膽固醇含量每一百萬份有166個單位，一般豬隻瘦肉則高達每百萬份392個單位。健味豬鈣含量則每百萬份有46個單位，一般豬隻只得29個。
譚強的豬，特點是較多肥肉，他解釋，原因是沒有用藥「消脂」，「根本豬係應該肥嘅，好似結咗婚嘅女人一樣，除非用埋啲古靈精怪藥物去抑制，但係咁樣對消費者冇益。」他以瘦肉夠肥做賣點，「啲人以前都唔接受用肥牛來打邊爐咯，我啲豬肥得來少脂肪，用來打邊爐一定會好好食。」
譚強還提出一點烹調建議，就是不要調味，「加調味料就食唔出香味，最好係白灼，好似打邊爐咁，我試過，食落口隔十秒，啲味道先慢慢滲出來。」譚強的豬場育有千三隻豬，香味豬佔一百隻左右。健味豬和香味豬的零售反應一般，每日只賣得兩、三隻（每隻約一百七十斤），可能是價錢較貴，比市面豬肉平均每斤貴兩元，而且認識健味豬或香味豬的市民並不多，「呢單嘢我冇諗過賺錢，係為咗理想。」
記者：蔡元貴
