香港天氣最近頻頻出現酷熱警告，又濕又熱，大人細路胃口都會唔多好，亞洲地區中，新加坡天氣比香港更濕更熱，所以新加坡菜中大部份是消暑開胃菜，今次就由新加坡香滿樓前大廚阿宏示範新加坡人夏天必食的兩味消暑醒胃菜，其中的一款香芒明蝦，更是他們至佳消暑良方，一啖凍一啖熱食法，出奇過癮呢！
記者：伍旋卓
攝影：陳智良
新加坡菜以甜、酸、辣為主，目的是令人在炎熱天氣中仍能胃口大開，不過一般新加坡菜賣相和用料頗為複雜，並不是一般家庭可以煮到。阿宏是新加坡香滿樓前任大廚，最撚手煮新加坡菜、川菜、京菜等等。今次他就要教大家以最簡單方法，做出兩味新加坡消暑開胃菜式，所需時間只不過是30分鐘。
阿宏表示新加坡的甜、酸、辣有很多配搭，並不是以廣東式大辣、小辣或麻辣去分，而是用特色的酸辣或酸甜味道分類，菜式中雖有酸辣一詞，但仍適合小朋友食。其中一味酸甜香芒明蝦，就是新加坡人夏天必食菜式，實為消暑至佳良方。另一味酸甜煎魚的醬汁更是出自新加坡廚師的秘方，經阿宏改良後，做法簡單，不用勞師動眾，便在家中炮製得到。
香芒明蝦中有熱蝦和凍蝦，新加坡人會一啖凍蝦一啖熱蝦咁食，作為解暑方法。凍食法有生果和上湯凍配合，所以會變得非常開胃，而且上湯凍不同中國的肉凍，不會太肥膩，就是連氣食六件，感覺就如喝了半碗上湯一樣。熱食明蝦，香脆得嚟卻依然清爽，因為有芒果條在內，零舍醒胃。
用咩料：
草蝦 10隻
生粉 少許
清雞湯 6安士
大菜絲 2安士
芫荽 少許
沙律醬 少許
芒果 1個
小貼士：
1.炸蝦時先將油溫控制至七成熱，放入蝦後約20秒，將火收細，目的是令蝦肉捲縮後，固定形狀，最後20秒，再將火校至最猛，令熱力將蝦肉內的油迫出。
2.如果覺得沙律醬太酸，可再加入少許煉奶作調味。
3.用較大隻的草蝦，味道會濃一點。
酸甜煎䱽魚和中式的五柳酸辣魚味道有所不同，前者所用醬汁變化較多，加上汁料以甜為主，更適合小朋友食用，這個煎魚選用了白䱽，肉質較嫩，味道較鮮，正好配合酸甜醬汁。新加坡人在炎熱天氣，亦愛吃這個酸甜䱽魚，無論大人或小朋友食咗即時也會胃口大開。
用咩料：
䱽魚 1條
洋葱粒 1/2個
乾蒜碎 1個
乾葱碎 少許
薑粒 少許
青椒粒 1/2個
紅椒粒 1/2個
罐頭菠蘿粒 1/2罐
茄汁 1湯匙
豆瓣醬 1湯匙
上湯 1/2罐
小貼士：
1.茄汁和豆瓣醬是這道菜中最重要的材料，酸辣口味可按比例加減。
2.揀魚可看魚鰓是否鮮紅，魚眼清晰，沒有混濁，是謂新鮮。