飲茶對唔同人來說可以有唔同意義，對一家大細嚟講，當然係假日嘅必備節目，以前同阿爺嗰代飲茶，一盅兩件，最緊要係茶靚點心正，就係咁簡單，隨住時代轉變，現代人飲茶要講環境，又要講新鮮、舒適，為順應潮流，各式各樣嘅新式茶樓不停出現，貴價、平價、摩登、舊式，應有盡有，各有各風格，滿足到唔同人嘅需要，想以後飲茶有多啲選擇，睇睇以下介紹！
ImageGirl&Boy：Fiona、Cat、Freda、Ricky、Freda、TramPhuoc、Nicole、Simpson、Anson（allfromDreamDestination）
MakeUp：Cherry、Emily、Carina
今日食得飽
平時去茶餐廳散叫一份西多閒閒哋都要十二、三蚊，再加多杯熱飲無廿蚊都落唔到樓，一間位於鰂魚涌嘅西餐廳竟然畀$14就可以歎一份下午茶餐，個餐有西多士同熱飲一杯，改凍飲加$2，廿皮唔使食飽飽，幾抵！
店名：K'Kitchen
電話：25628612
地址：鰂魚涌英皇道869號地下
利口坊下午茶餐出名選擇多多，豬扒公仔麵、雞扒麵、火腿奄列多士，款式數數埋埋都有成十幾款咁多，全部都係$15有得食，最抵當然係麵餐，一碗麵加一杯熱飲，胃口唔大可以當埋午餐，全日有得供應，改凍飲就要加兩蚊。
店名：利口坊
電話：26100172
地址：葵芳高芳街27號地下
旺角區周街掛滿十蚊雲吞麵橫額，有食肆亦不甘示弱，實行推出$14米線連飲品套餐，豬扒、牛扒、雞扒、肥牛、中雞翼、蟹柳、扎肉、餐肉煎蛋、海鮮、吉列魚任擇其一，下午兩點至六點時段供應，想食就要校啱時間！
店名：金百合
電話：23912808
地址：旺角弼街80號
今日免費玩
好多小朋友都鍾意扮鬼扮馬，佢哋扮得開心，大人睇見又笑得開心，今日慈雲山中心就有一個名為智力群力扮嘢show嘅免費表演，屆時會有小朋友搞盡法寶扮鬼扮馬，必定精采，另外，商場亦請來學校及香港管弦樂團學生利用廢物演奏出不同音樂，咁精采又點可以錯過？
時間：下午2時至3時及4時至5時
地點：慈雲山中心5樓
由即日起至8月10日，屈臣氏會舉辦一個名為「藥劑師與您」嘅免費兒童健康檢查活動，活動內容包括有藥劑師在指定分店就兒童的成長營養及運動方面作免費諮詢外，同時亦會免費為八歲以上兒童做健康測試及量度脂肪，身為父母的你又點可以錯過？
日期及地點：
8月3日金鐘太古廣場1樓146號
8月4日香港仔中心廣場海珠閣地下8C
8月5日銅鑼灣時代廣場地庫B210-211
8月6日至10日上水彩園邨商場
劉德華現身崇光任影唔嬲？其實講緊嘅係劉德華蠟像，由即日起至8月12日下午6時至10時，其蠟像會擺放在地庫二樓Freshmart任由人客拍照，客人可自備相機同偶像影相外，於Freshmart內惠顧滿$100，更可用$10享用即影即有服務及可獲贈$25杜莎夫人蠟像館成人入場券、車票優惠券，想同偶像合照話咁易！
時間：即日起至8月12日下午6時至晚上10時
地點：銅鑼灣崇光二樓超市Freshmart
今日買得起
M&M最近又推出新一批鬼馬得意精品，今期貨色包括呢個黃色搞鬼戚眉戚眼錄音機，攞住佢就可以隨時隨地咁錄音，只要用10個吉包加$30就可以換購，另一款鬧醒你鬧鐘只需15個吉包加$45就可以擁有，鐘面重有藍、綠同紅色供選擇。
夏天一到，洗面乳勢必成為搶手貨，呢支用番茄精華素、胡蘿蔔素、蘋果精華素同霍霍巴葉精華素為主要成份嘅潔面泡沫，可以有效去除化角質同鎖住水份，去除毛孔污垢，原價$78，現售$38，半價就買到，最啱貪靚一族！
店名：RealPlus
電話：23753089
地址：尖沙嘴地鐵站店舖3恒生銀行對面
卓悅嘅化妝品同個人護理用品一向出名夠平，最近又有特價貨推出，其中沙宣洗髮用品更以超低價發售，其中400ml深層滋潤潤髮乳、洗髮露同深層潔淨洗髮露都由原價$32.9減到$23.9，係時候趁低吸納喇！
店名：卓悅
電話：23812855
地址：旺角弼街69至71號地下