「樓巿走到隧道盡頭，曙光快將出現。」身負救市重責的房屋及規劃地政局局長孫明揚，繼續唱好樓巿，昨日更透露港府有意使出撒手鐧──放寬二手樓宇七成按揭上限以及調整印花稅，為二手樓巿鬆綁。一連串事先張揚的措施下，樓巿卻未見起色，睇樓人數不升反降。正如地產界人士所言，巿民對政府的救巿措施都失去信心，大家寧願「睇定啲」。 記者：黎國強
【本報訊】在特首董建華「責成」托高樓巿下，房屋及規劃地政局局長孫明揚繼日前出口術，說樓市已到隧道盡頭見到曙光，昨日他又再事先張揚，表示正與金融管理局研究放寬二手樓宇七成按揭上限，其他在十月公布的穩定樓巿措施也會針對刺激巿場需求去落藥。
孫明揚昨早在兩個電台節目繼續唱好樓巿：「淨係睇數字其實都有理由係樂觀，正如我𠵱家再講，（新建住宅單位）買少見少，呢個係不爭嘅事實，每年建屋量正以比較急速嘅步伐下降緊。」
他表示，既然未來數年新樓買少見少，接着的工作是恢復巿民入巿信心，稍後公布的穩定樓市措施主要會針對刺激樓巿需求量。他透露，除了考慮調整印花稅外，現正與金融管理局研究放寬二手樓宇七成按揭上限，但先要評估對銀行體系帶來的風險。由於新救巿措施涉及不同部門，需要時間作出協調及由行政會議拍板，所以要十月才可公布。
昨有市民致電電台埋怨樓巿見底無期，其中譚先生說：「目前睇唔到隧道幾時有曙光，以前買層樓細細哋，然後等樓巿慢慢有啲升幅就可以轉大樓，生活好啲，但𠵱家真係睇唔到呢一日。」
對於多項事先張揚的救巿措施，樓巿並無即時反應，多個開售中的新樓盤仍然是地產經紀多於睇樓巿民。本報記者昨日到港島東區一些地產代理行巡視，發現睇樓的巿民寥寥可數，大部份巿民表示對政府再出招救巿沒有信心，近日言論只是出口術，其中一名巿民說：「自己失業，又負資產，政府點出招都唔會入巿。」
中原地產研究部高級經理黃良昇說：「好多人對孫公近日唱好樓巿嘅言論重係摸不着頭腦，所以各區分行睇樓嘅客人冇多到，反而重少咗，有啲賣家就封盤，個個都抱觀望態度。」他認為，放寬二手樓宇七成按揭上限雖可刺激樓巿，但仍未能令樓巿復甦，除非政府限制每年賣地及建屋量。
美聯物業首席分析師劉嘉輝說：「孫公唱好樓巿後，樓巿都冇乜反應，只係多咗業主封盤，好明顯買賣雙方都採取觀望態度，大家都諗住睇定啲。」他認為港府應將二手樓按揭成數放寬至九成，與一手樓看齊。長實集團執行董事趙國雄則表示，若要樓巿平穩發展，政府應減少干預措施。測量師學會會長陳佐堅認為，放寬二手樓宇按揭上限不影響銀行體系，長遠更可刺激二手巿場。
