香港3大照妖鏡：沙士、23條，及最新出品「皇馬」，看看網友怎樣照！
大猩猩：今次球賽由公帑包底，所有門券扣除贊助，理應全部出售，為何只有二萬張公開發售？而二千幾個人，每人限買四張，點解會賣得晒二萬門券？足總真係要教吓我們數學!!!睇電視，「肥龜志」重好招積話佢係資深委員所以分到40張千五蚊飛!!!今次政府一定要徹查有冇以權謀私的事！稅真係交得唔抵！
Roy：聽完「香保雞」講，我更加唔明！點解波飛一定要排隊買先得？罪魁禍首係足總班食塞米！
郁文：足總做嘢，重衰過政府，政府都係議而不決，決而不行。足總好明顯係議都未議過，就去亂咁行啦，失敗，真失敗，香港嘅足球事業就喺呢班人手上整衰晒。
果然係平常人：今朝「香保雞」在《千禧年代》說：「唔派籌的原因是因為驚有人會炒籌」，這些說話是否人講的說話？太奇怪！驚人炒籌，為何佢唔驚人炒飛呢？真係諗咗成朝都唔明！
Irisfelix：真係估唔到，原本是一場幾有意思的賽事，短短一星期，就可以暴露咁多香港的醜態出晒嚟，真係唔搞好過搞。
不平人：香港足總應改名：「霍××足球私人總會」或「康××足球私人會所」，好顯然佢哋唔屬於香港人！
PDSH：今朝新聞，話得萬六張咋！你慌唔係去晒益自己友咩！到時董生出現，包有人拍掌無人噓！過吓啲萬民景仰嘅癮！信乎？放長雙眼睇啦各位!!
報紙卻報道說：北京市並沒有出現如香港數千人排隊的情況，因當地比賽門票有八成以上都是透過網上訂購。