早前，本田代理合群汽車聯同香港加德士有限公司，舉辦咗一次Jazz慳油大激鬥，並邀請香港Jazz車會派出26部車參加；大會同時更廣邀一眾汽車傳媒參與其中，見證Jazz慳油能耐，想唔到要得到錦標，除咗講求路面嘅駕駛經驗外，重要有一份耐熱嘅容忍力呢！
記者、攝影：陳偉林
部份圖片由合群汽車提供
今趟慳油大激鬥，路程約135公里，以沙田大圍作起點，途經吐露港公路、三號幹線，直入位於大嶼山嘅香港國際機場，再折返錦田，經大埔公路返回大圍，限時在三小時內完成。出發前為公平起見，一眾車輛重要經過大會檢查有否不當嘅改裝，及後注滿汽油再加封條後，才正式踏上征途。
筆者跟隨其中一部參賽車，而車主Joe亦好認真咁作賽，為求減低部車嘅耗油量，沿途要保持均速響80km/h之內，並需關上音響及冷氣，僅以兩旁車窗透風換氣。雖然周日嘅上午天朗氣清又少車，惟美景當前亦敵不過悶熱天氣，給置身其中嘅筆者同Joe，額頭冒汗如下雨一樣呢！
沿途盡量靠慢線而行，不少重型車輛奇怪呢部小車子，竟較它們走得還要慢，若然車主Joe唔係夠定力同耐性的話，早就狠狠踏油門而去喇！經過將近3小時比賽，返抵油站重新加油核實耗油量時，想不到勝出嘅頭車，走了131公里後，耗油量不過1.82公升，平均每公里耗費不過$0.43，惟代理謙虛地表示，廠方提供平均耗油量數值為每公里$0.60，看來參賽車輛更勝一籌呢！
1.妥善計劃行程：避免使用擠塞嘅道路，組合最短嘅路線。
2.停車熄匙：如需要長時間等候，應該關掉引擎，既慳油又環保。
3.適當保養：定期保養車輛，確保輪胎氣壓達到製造商建議嘅水平，均有助減低耗油量。
4.合理負載：切勿將座駕變成儲物室，或裝置不必要嘅配件。
1.預警駕駛：保持平均車速，避免頻密加油及煞車。
2.避免不必要嘅開關引擎：每次啟動引擎所耗燃油量，約為一分鐘怠速運行嘅耗油量。
3.避免不必要嘅空轉：啟動引擎及關掉引擎前切勿大油空轉，避免浪費燃油及損害引擎。
4.避免過急加速起步：加速愈急，愈多能量於傳動系統中浪費，引致浪費燃油。
5.減少使用冷氣：使用冷氣會增加引擎負荷，有可能增加耗油量10%至20%。
6.高速行車時關窗：高速行駛時開窗會增加氣流阻力，耗油量亦增加達10%。
7.減少高速行車：風阻損耗以車速幾何級數增加，一般車輛響超過每小時65公里時，風阻已達較高水平，故此引擎需要更多能量抵銷風阻。
引擎：1339cc直4SOHC
馬力：86ps/5700rpm；扭力：12.1kgm/2800rpm
尺碼：3830×1675×1525mm
軸距：2450mm；車重：990kg起
平均耗油：23.0km/L
新車售價：$117,000起（合群汽車：23802231）
簡評：樣子Cute又討好，備受年輕一派車迷所追捧，新款i-DSI引擎低、中轉表現有力，好切合香港路面情況。